Home அவசியம் படிக்க வேண்டியவை மெக்டொனால்ட் உணவகங்களை மூடிய ரஷ்யா!

மெக்டொனால்ட் உணவகங்களை மூடிய ரஷ்யா!

471
0
SHARE
Ad

A file picture dated 04 April 2014 shows people dining at a McDonald's restaurant on Manezhnaya Square in Moscow, Russia. Russia's consumer watchdog ordered four McDonald's restaurants in Moscow to be temporarily closed, alleging that the US fast food chain had violated sanitary rules. The news raised fears of a fresh round of sanctions against Western businesses. Earlier this month, Moscow banned food imports from a number of countries in retaliation against sanctions imposed on Russia over the crisis in Ukraine.மாஸ்கோ, ஆகஸ்ட் 22 – ரஷ்யா மீது அமெரிக்கா விதித்த பொருளாதாரத் தடைக்கு ரஷ்யாவின் பதிலடி தொடர்ந்து கொண்டிருக்கின்றது. ஐரோப்பிய உணவுப் பொருட்கள் மற்றும் காய்கறிகளுக்கு தடை விதித்து வந்த ரஷ்யா அரசு நேற்றுமுன்தினம், தலைநகர் மாஸ்கோவில் இயங்கி வந்த நான்கு மெக்டொனால்ட் (McDonald) உணவகங்களை  தற்காலிகமாக மூட உத்தரவிட்டுள்ளது.

மாஸ்கோவின் புஷ்கின் சதுக்கம் அருகே உள்ள புகழ்பெற்ற மெக்டொனால்ட் உணவகம் உட்பட 4 உணவகங்களிலும் ஆய்வு மேற்கொண்ட ரஷ்ய சுகாதாரத் துறை அதிகாரிகள், அந்த உணவகங்களில் உணவு சுகாதாரமான முறையில் பராமரிக்கப்படவில்லை என்று கூறி அவற்றை தற்காலிகமாக மூடினர்.

இதில் புஷ்கின் சதுக்கம் அருகே உள்ள மெக்டொனால்ட் உணவகம், நீண்ட பாரம்பரியம் கொண்டது. கடந்த 1990-ம் ஆண்டு துவங்கப்பட்ட இந்த உணவகம், அமெரிக்காவுடனான ரஷ்யாவின் சுமூக உறவை வெளிக்காட்டும் வகையில் அமைக்கப்பட்டது குறிப்பிடத்தக்கது.

#TamilSchoolmychoice

ரஷ்யாவில் இயங்கி வரும் 435 மெக்டொனால்ட் உணவகங்களில் நான்கினை மட்டும் ஆய்வு செய்த ரஷ்யா சுகாதாரத்துறை அதிகாரிகள் அதனை மூட உத்தரவிட்டுள்ளனர். விரைவில் அனைத்து உணவகங்களிலும் ஆய்வு மேற்கொள்ளப்படும் என்றும் கூறியுள்ளனர்.

உக்ரைன் விவகாரத்தில் ரஷ்யா மீது பொருளாதார தடை விதிப்பதற்கு பெரிதும் காரணமாக இருந்து வந்த அமெரிக்காவிற்கு ரஷ்யா தனது பதிலடியை கொடுக்கத் தொடங்கயுள்ளது.

கடந்த சில வாரங்களுக்கு முன்பு மெக்டொனால்ட் உணவகங்களில் சுகாதாரக் குறைபாடு உள்ளதாக சீனா அரசு குற்றம்சாட்டியதால் கடும் பொருளாதார வீழ்ச்சிக்கு ஆளான மெக்டொனால்ட் உணவகங்களுக்கு தற்போது ரஷ்யாவிலும் சிக்கல் ஏற்பட்டிருப்பது குறிப்பிடத்தக்கது.