Home Featured வணிகம் பரிதாப நிலையில் ஏர் ஆசியா இந்தியா – 65 கோடி ரூபாய் நஷ்டம்!

பரிதாப நிலையில் ஏர் ஆசியா இந்தியா – 65 கோடி ரூபாய் நஷ்டம்!

630
0
SHARE
Ad

air asiaபுது டெல்லி – ஏர் ஆசியா இந்தியா நிறுவனம் ஜூலை-செப்டம்பர் காலாண்டில் 65 கோடி ரூபாய் நஷ்டத்தை சந்தித்து உள்ளது. இது கடந்த ஏப்ரல்-ஜூன் காலாண்டை விட ஏறக்குறைய 20 கோடி ரூபாய் அதிகம். மற்ற விமான நிறுவனங்களை விட மலிவு விலையில் கட்டணங்களை விற்பனை செய்தும், நடப்பு ஆண்டில் இந்தியாவில் விமான பயணங்களை மேற்கொள்வோரின் எண்ணிக்கை அதிகரித்து இருந்தும் இந்த நஷ்டம் ஏற்பட்டு இருப்பது ஏர் ஆசியா நிறுவனத்தை கவலையடையச் செய்துள்ளது.

இதற்கிடையே ஏர் ஆசியா இந்தியா அடுத்த காலாண்டில் மீண்டும் லாபத்திற்கு திரும்பும் என டோனி பெர்னாண்டஸ் நம்பிக்கை தெரிவித்துள்ளார். ஏர் ஆசியா நிறுவனத்தின் தலைமைச் செயல் அதிகாரியான டோனி, ஏர் ஆசியா இந்தியாவில் 49 சதவீத பங்குதாரர் என்பது குறிப்பிடத்தக்கது.

முன்னதாக மலேசியாவிலும் ஏர் ஆசியா நஷ்டக் கணக்கையே காட்டியது என்பது கூடுதல் தகவலாகும்.

#TamilSchoolmychoice

இதற்கிடையே, இதுவரை நஷ்டத்தில் இயங்கி வந்த ஸ்பேஸ் ஜெட் நிறுவனம், ஏர் ஆசியா நஷ்டத்தை சந்தித்த அதே காலாண்டில் 23.8 கோடி ரூபாய் லாபத்தை ஈட்டி உள்ளது குறிப்பிடத்தக்கது.