Home படிக்க வேண்டும் 3 6 மாதங்களில் 40 விமானிகளை இழந்த கலாநிதி மாறனின் ஸ்பைஸ் ஜெட்!

6 மாதங்களில் 40 விமானிகளை இழந்த கலாநிதி மாறனின் ஸ்பைஸ் ஜெட்!

584
0
SHARE
Ad

kalanithi Maranபுதுடெல்லி,  நவம்பர் 26 – இந்தியாவின் மலிவு விலை விமான நிறுவனமான ஸ்பைஸ் ஜெட் தனது முதலீட்டாளர்களிடம் புதிய முதலீடுகளை ஏற்படுத்துமாறு கோரிக்கைகளை முன்னிறுத்தி வருகின்றது. இதற்காக அந்நிறுவனத்தின் உயர் அதிகாரிகள், முதலீட்டாளர்களிடம் ஆரம்பக்கட்ட பேச்சுவார்த்தைகளை தொடங்கி உள்ளனர்.

கடந்த 5-வது காலாண்டில் மட்டும், சன் தொலைக்காட்சி அதிபர் கலாநிதி  மாறனை உரிமையாளராகக் கொண்ட ஸ்பைஸ் ஜெட் 50.2 மில்லியன் அமெரிக்க டாலர்கள் அளவிலான வருவாய் இழப்பை சந்தித்துள்ளது. இது கடந்த ஆண்டு, ஏற்பட்ட வருவாய் இழப்பைக் காட்டிலும் பல மடங்கு குறைவு, என்றாலும் தற்போதைய நெருக்கடி நிலையை சமாளிக்கும் அளவிற்கு போதுமானதாக இல்லை. இதனால் அந்நிறுவனத்தின் அனைத்து பிரிவுகளிலும் புதிய மாற்றத்தை ஏற்படுத்த அந்நிறுவனத்தின் நிர்வாகக் குழு முடிவு செய்துள்ளது. அதற்குத் தேவையான நிதியினை முதலீட்டாளர்களிடமிருந்து பெறுவதற்காக சமீபத்தில் முக்கிய முதலீட்டாளர்களுடன் பேச்சு வார்த்தை நடத்தப்பட்டுள்ளது.

SpiceJet,.,இது குறித்து ஸ்பைஸ் ஜெட் நிறுவனத்தின் முக்கிய அதிகாரி கூறுகையில், “புதிய முதலீடுகள் தொடர்பாக ஆரம்பக்கட்ட பேச்சுவார்த்தைகள் நடைபெற்று வருகின்றன. அதனால் தற்சமயம் அதுபற்றிய முழுவிவரங்களை வெளியிடுவது என்பது இயலாத காரியம்” என்று அவர் கூறியுள்ளார்.

#TamilSchoolmychoice

பொருளாதார நெருக்கடிகள், எதிர்கால நிச்சயமற்ற தன்மை உள்ளிட்ட பல்வேறு காரணங்களால் அந்நிறுவனத்தில் கடந்த 6 மாதத்தில் மட்டும் 40-க்கும் மேற்பட்ட விமானிகள் தங்கள் பணியை விட்டு விலகிச் சென்றுள்ளனர். இதன் காரணமாக விமானங்களை இயக்க கால தாமதம் ஏற்படுவதாகவும்,  பல சமயங்களில் விமானங்கள் ரத்து செய்யப்பட வேண்டிய சூழல் ஏற்பட்டுள்ளதாகவும் கூறப்படுவது குறிப்பிடத்தக்கது.