கோலாலம்பூர் – தேர்தல் சூடு ஒருபுறம் – தகிக்கும் வெயிலின் உண்மையான சூடு இன்னொரு புறம் – என கடந்த ஓரிரு மாதங்களாக தமிழ் நாடு முழுக்க அலைந்து திரிந்த திமுக பொருளாளர் மு.க.ஸ்டாலின் இன்று காலை சென்னையிலிருந்து புறப்பட்டு மலேசியா வந்துள்ளதாக தமிழகத் தகவல் ஊடகங்கள் தெரிவித்துள்ளன.
தனது மனைவி மற்றும் மகன் உதயநிதி குடும்பத்தினருடன் ஸ்டாலின் சென்னை விமான நிலையத்திலிருந்து புறப்பட்டு மலேசியா வந்தடைந்துள்ளார்.
மலேசியாவில் எந்தப் பகுதியில் ஸ்டாலின் தனது குடும்பத்தினருடன் ஓய்வெடுப்பார் என்பது அதிகாரபூர்வமாக அறிவிக்கப்படவில்லை.
கோலாலம்பூரிலேயே ஸ்டாலின் குடும்பத்தினரோடு தங்கியிருப்பாரா அல்லது லங்காவி தீவு போன்ற அமைதியான அதிகமான மக்கள் தொந்தரவில்லாத கடற்கரை பகுதிகளுக்கோ அல்லது கேமரன் மலை போன்ற மலைப் பிரதேசங்களுக்கு சென்று ஓய்வெடுப்பாரா என்பது தெரியவில்லை.
பார்ப்போம்! எந்த மலேசிய இந்தியர் கண்களில் ஸ்டாலினோ, அவரது குடும்பத்தினரோ தென்படுகிறார்கள் என்று!
எப்படியும், முகநூல் பக்கத்தில் பதிவிட்டு விடுவார்களே!
