Published On: Tue, Feb 21st, 2017

ஜியோ இலவசச் சலுகை மார்ச் 31 வரை தான்!

mukesh ambaniபுதுடெல்லி – ரிலயன்ஸ் நிறுவனத்தால் கொண்டு வரப்பட்ட ஜியோ 4 ஜி நிறுவனம், இதுவரை வழங்கி வந்த இலவசச் சலுகைகள் வரும் மார்ச் 31-ம் தேதியோடு நிறைவடைவதாக அந்நிறுவனத்தின் தலைவர் முகேஸ் அம்பானி இன்று செவ்வாய்க்கிழமை அறிவித்தார்.

வரும் ஏப்ரல் 1-ம் தேதி முதல் புதிய கட்டணத் திட்டங்களை ஜியோ அறிவிக்கும் என்றும் அவர் தெரிவித்தார்.

ஆனாலும், உள்ளூர் அழைப்புகள் மற்றும் ரோமிங் அழைப்புகளுக்கான இலவசச் சலுகை தொடர்ந்து இருக்கும் என்றும் முகேஸ் அம்பானி தெரிவித்தார்.

jionew_559_102416021342மேலும், ஜியோ தொடங்கப்பட்டு 170 நாட்களில் 10 கோடி வாடிக்கையாளர்கள் இணைந்திருப்பதாகத் தெரிவித்த முகேஸ் அம்பானி, நொடிக்கு 7 வாடிக்கையாளர்கள் ஜியோ சிம்மைப் பயன்படுத்தத் தொடங்கியதாகக் குறிப்பிட்டார்.

தற்போது அடிப்படைக் கட்டணமாக 99 ரூபாய் செலுத்தி ஜியோ சிம் சந்தாதாரராக ஆகலாம். அதேவேளையில் மாதந்தோறும் 303 ரூபாய் செலுத்தி நிரந்தர சந்தாதாரராகி அளவற்ற குரல் அழைப்புகளையும், இணையவசதியையும் பயன்படுத்திக் கொள்ளலாம்.

Comments

Recent Posts