புதிய நோக்கியா 3310: பழைய நினைவுகளை மீட்டெடுக்கும் அம்சங்களுடன்!

Nokia 3310கோலாலம்பூர் – 16 ஆண்டுகளுக்கு முன் பெரும்பாலான செல்பேசி வாடிக்கையாளர்களின் ஒரே தேர்வாக இருந்த நோக்கியா நிறுவனத்தின் 3310 என்ற செல்பேசி, தற்போது புதிய தோற்றம் மற்றும் நவீன வசதிகளுடன் விற்பனைக்கு வருகிறது.

நேற்று முன்தினம் ஞாயிற்றுக்கிழமை, பார்சிலோனாவில் நடந்த உலக மொபைல் காங்கிரசில் நோக்கியாவின் புதிய அண்டிராய்டு போன்களான நோக்கியா 3, 5 மற்றும்6 ஆகியவற்றோடு, நோக்கியா 3310-ம் அறிமுகம் செய்யப்பட்டது.

இந்தப் புதிய நோக்கியா 3310 போனில், பல்வேறு நவீன வசதிகள் சேர்க்கப்பட்டிருக்கின்றன. 2.4 அங்குல வண்ணத் திரை, 16 எம்பி நினைவகம், 2எம்பி கேமரா ஆகியவற்றோடு, 1 மாதத்திற்கு மின்சக்தியைத் தேக்கி வைக்கும் திறன் கொண்ட மின்கலம் ஆகியவை நோக்கியா 3310-ன் சிறப்புக்களாக அறிவிக்கப்பட்டிருக்கின்றன.

Nokia snakeசிவப்பு, மஞ்சள், கருநீலம் மற்றும் கிரே ஆகிய 4 நிறங்களில் அறிமுகமாகியிருக்கும் நோக்கியா 3310-ல், வாடிக்கையாளர்களின் பழைய நினைவுகளை மீட்டெடுக்கும் வகையில் பாம்பு விளையாட்டு மற்றும் நோக்கியாவின் முந்தைய 3310 மாடலில் இருந்த ரிங் டோன்கள் ஆகியவையும் சேர்க்கப்பட்டிருக்கின்றன.

மலேசிய மதிப்பில் 230 ரிங்கிட் விலை நிர்ணயம் செய்யப்பட்டிருப்பதாகத் தொழில்நுட்ப இணையதளங்கள் கூறுகின்றன.

 

Comments

Recent Posts